ຄອບຄົວ ແມ່ນຈຸລັງໜຶ່ງຂອງສັງຄົມເຊິ່ງມີຜົວເມຍລູກ ຫຼື ສະມາຊິກອື່ນໃນຄອບຄົວເຊິ່ງມີສາຍພົວພັນເຊິ່ງກັນ ແລະ ກັນ ດຳລົງຊີວິດຮ່ວມກັນໂດຍມີສຳມະໂນຄົວຢັ້ຢືນຢ່າງຖືກຕ້ອງ.
ສາຍພົວພັນຄອບຄົວ
ແມ່ນສາຍພົວພັນທີ່ເນື່ອງມາຈາກການຈົດທະບຽນແຕ່ງດອງ, ການມີລູກຮ່ວມກັນ ແລະ
ການເອົາລູກຂອງບຸກຄົນອື່ນມາເປັນລູກລ້ຽງ ( ລູກບຸນທຳ ) ເຊຶ່ງພາໃຫ້ເກີດມີສິດ ແລະ
ພັນທະທາງຄອບຄົວຕໍ່ກກັນ. ນອກຈາກນີ້ ຍັງມີພັນທະຕໍ່ສະມາຊິກໃນຄອບຄົວເຊັ່ນ: ປູ່, ຢ່າ,
ພໍ່ເຖົ້າ, ແມ່ເຖົ້າ, ລຸງ, ປ້າ, ອາ, ອາວ, ນ້າບ່າວ, ນ້າສາວ ແລະ ອື່ນໆ.
ດັ່ງນັ້ນຄອບຄົວກໍ່ແມ່ນສະຖາບັນສຳຄັນທີ່ສຸດ
ແລະ ເປັນຫົວໜ່ວຍທີ່ຕົ້ນຕໍ່ຂອງສັງຄົມ,
ເຊິ່ງມີບັນດາບຸກຄົນທີ່ດຳລົງຊີວິດຢູ່ຮ່ວມກັນຢ່າງສະໜິດແໜ້ນ. ໝາຍຄວາມວ່າ: ຄອບຄົວ
ແມ່ນອົງປະກອບໜຶ່ງ, ເຊິ່ງມີລັກສະນະການຈັດຕັ້ງຄືກັນກັບອົງປະກອບຂອງການຈັດ
ຕັ້ງໃດໜຶ່ງຂອງລັດ ສະນັ້ນຄອບຄົວຈຶ່ງມີບາງປະການທີ່ສຳຄັນຄື:
-
ປົກປັກຮັກສາ ແລະ ສ້າງຄອບຄົວໃຫ້ເປັນຈຸລັງອັນເຂັ້ມແຂງຂອງສັງຄົມ.
-
ສ້າງສາຍພົວພັນຄອບຄົວດວຍການແຕ່ງດອງດ້ວຍຄວາມສະໝັກໃຈ, ສະເໝີພາບລະຫວ່າງຍິງຊາຍ.
-
ສຶກສາອົບຮົມລູກໃຫ້ມີຄວາມຮັກຄອບຄົວ, ຮັກຊາດ, ເຂົ້າຮ່ວມການປົກປັກຮັກສາ ແລະ
ກໍ່ສ້າງປະເທດຊາດ.
-
ປົກປັກຮັກສາສິດຜົນປະໂຫຍດຂອງແມ່ ແລະ ເດັກໃນຊີວິດຄອບຄົວ ແລະ
ໃນເມື່ອຜົວເມຍຢ່າຮ້າງກັນ.
-
ປົກປັກຮັກສາ ແລະ ເສີ່ມຂະຫຍາຍຮີດຄອງປະເພນີອັນດີງາມຂອງຊາດ.
ຄອບຄົວເປັນສະຖາບັນ
ແລະ ອົງການ ຫຼື
ເປັນໜ່ວຍທາງສັງຄົມທີ່ເລິກທີ່ສຸດ ຄອບຄົວຕັ້ງຂຶ້ນດ້ວຍສະມາຊິກຊາຍ ແລະ
ຍິງພຽງສອງຄົນໄດ້ຮັບໜ້າທີ່ເປັນພໍ່ ແລະ ແມ່ ເປັນພໍ່ແບບແມ່ແບບ ທີ່ຖ່າຍທອດ ແລະ
ໃຫ້ການສຶກສາໃນຂັ້ນຕົ້ນໃຫ້ແກ່ສະມາຊິກໃໝ່ເປັນພະລັງທີ່ເສີ່ມພະລັງກາຍ ແລະ
ພະລັງໃຈໃຫ້ແກ່ສະມາຊິກຂອງຄອບຄົວທີ່ອກໄປສະແດງບົດບາດຕ່າງໆທາງສັງຄົມທີ່ໃນຖານະທີ່ກ່ຽວຂ້ອງກັບຄອບຄົວເປັນຖານະທີ່ສາມາດຕອບສະໜອງຄວາມການພື້ນຂອງມະນຸດໄດ້ໃນທູກລະດັບທາງດ້ານຄວາມຕ້ອງການທາງຮ່າງກາຍ,
ຄວາມຕ້ອງການທາງຈິດໃຈ ແລະ ຄວາມຕ້ອງການທາງສັງຄົມ.
ไม่มีความคิดเห็น:
แสดงความคิดเห็น