ລະດັບຂອງການວັດຜົນ
ລະດັບຂອງການວັດມີ 4 ລະດັບ ຄື:
ກ.
ການກໍານົດຊື່
ເປັນລະດັບການວັດຜົນທີ່ກຳໜົດສັນຍາລັກເພື່ອເອີ້ນ
ຈຳແນກ ຫຼື ຈັດປະເພດສິ່ງຂອງ ເຊັ່ນ: ຊື່ຄົນ, ສັດ, ເພດຊາຍ ຫຼື ເພດຍິງ, ເລກທະບຽນລົດ...ຊຶ່ງບໍ່ໄດ້ມີຄວາມໝາຍທາງດ້ານປະລິມານ.
ຂ.
ການຈັດລຳດັບ
ເປັນລະດັບການວັດຜົນທີ່ກຳໜົດປະລິມານແຕກຕ່າງກັນ
ແຕ່ບໍ່ສາມາດກຳໜົດ ໄດ້ວ່າ ແຕກຕ່າງກັນ ໜ້ອຍຫຼາຍປານໃດ ເຊັ່ນ
ການປະກວດສີລະປະພາຍໃນໂຮງຮຽນ ເຮົາ ບໍ່ສາມາດຈຳແນກໄດ້ວ່າ ຄະນະໄດ້ທີ 1 ແລະ ທີ 2 ມີຄວາມແຕກຕ່າງກັນໜ້ອຍຫຼາຍປານໃດ.
ຄ.
ການຈັດເປັນຫວ່າງ
ເປັນລະດັບການວັດຜົນທີ່ກຳໜົດປະລິມານແຕກຕ່າງກັນ
ແລະ ຄວາມແຕກຕ່າງ ລະຫວ່າງຫົວໜ່ວຍ ເທົ່າກັນ ແຕ່ຍັງຂາດຈຸດເລີ່ມຕົ້ນທີ່ແທ້ຈິງ (ບໍ່ມີ 0 ແທ້) ແລະ ຄວາມ ແຕກຕ່າງລະຫວ່າງ
ຫົວໜ່ວຍກັບຫົວໜ່ວຍ ບໍ່ເທົ່າກັນ ເຊັ່ນ ອຸນຫະພູມ 0 ອົງສາ C ບໍ່ໄດ້ ໝາຍຄວາມວ່າບໍ່ມີຄວາມ ຮ້ອນເລີຍ ເພາະຍັງມີຄວາມຮ້ອນຢູ່ເຖິງ 273 ອົງສາແກນວິນ. ດັ່ງນັ້ນ 0 ນີ້ເປັນພຽງ 0 ສົມມຸດເທົ່ານັ້ນ ແລະ ຖ້ານາງ ກ ກວດກາໄດ້ຄະແນນ 8 ທ້າວ ຂ ໄດ້ຄະແນນ 4 ບໍ່ໄດ້ໝາຍ ຄວາມວ່າ ນາງ ກ ເກັ່ງກວ່າທ້າວ ຂ ສອງເທົ່າ.
ງ.
ການຈັດເປັນອັດຕາສ່ວນ
ເປັນລະດັບການວັດຜົນທີ່ກຳໜົດປະລິມານແຕກຕ່າງກັນ
ຄວາມແຕກຕ່າງລະຫວ່າງ ຫົວໜ່ວຍເທົ່າກັນ ແລະ ມີຈຸດເລີ່ມຕົ້ນທີ່ແທ້ຈິງ (ມີ 0 ແທ້ )ເຊັ່ນ ຖ້າທ້າວ ກ ສູງ 180 cm ນາງ ຂ ສູງ 90 cm ໝາຍຄວາມວ່າ ທ້າວ ກ ສູງກວ່າທ້າວ ຂ ສອງເທົ່າ ແລະ ຖ້ານ້ຳໜັກ 0 Kg ໝາຍ ຄວາມວ່າ ບໍ່ມີນ້ຳໜັກເລີຍ
ດັ່ງນັ້ນ 0 ນີ້ ເປັນ 0 ແທ້.
ລະດັບທັງ 4 ຂັ້ນນີ້ ມີຄຸນລັກສະນະຕ່າງກັນ ເຊິ່ງພໍສະຫຼຸບໄດ້ດັ່ງນີ້.
|
ລະດັບຂອງການວັດຜົນ
|
ຄຸນລັກສະນະ
|
|
·
ການກຳໜົດຊື່
|
ຄວາມແຕກຕ່າງກັນ
|
|
·
ການຈັດລຳດັບ
|
ຄວາມແຕກຕ່າງກັນ + ທິດທາງ
|
|
·
ການຈັດເປັນຫວ່າງ
|
ຄວາມແຕກຕ່າງກັນ + ທິດທາງ + ຫວ່າເທົ່າກັນ + 0 ສົມມຸດ
|
|
·
ການຈັດເປັນອັດຕາສ່ວນ
|
ຄວາມແຕກຕ່າງກັນ + ທິດທາງ + ຫວ່າເທົ່າກັນ + 0 ແທ້
|
ไม่มีความคิดเห็น:
แสดงความคิดเห็น